HISTORIOGRAFI APO LEGENOGRAFI KUNDËR AVNI RUSTEMIT
Nga Kolec P. TRABOINI
Në vitin 1981 kam realizuar një
film dokumentar për trimin shqiptar që bëri histori në Paris, ndaj gjithë atyre
që historinë e shkruajnë me histeri, që siç e kemi thënë e do të vazhdojmë të
themi, të paaftë të krijojnë përpiqen të rrënojnë çfarë të tjerët kanë krijuar,
u përgjigjem shkurt e kthjelltë siç i tha gjithë populli shqiptar në vitin 1920,
kur drejtësia franceze e nxori të pafajshëm trimin shqiptar Avni Rustemi:
-Të lumtë pushka, që e shtrive baldosën
Esat tradhtari përdhe. Kështu ishte, është e do te jetë fati i të gjithë qeneve
të zabarosur me armiqtë e Shqipërisë. Por nga kjo përsiatje e tyre e kotësishme
histerike, lavdisë së djaloshit zemërzjarrtë nga Libohova, gjëmb në këmbë nuk i
hyn. As nga lehjet. Mjeranët me kallamar vazhdojnë me stilin urithian e do të
vazhdojnë deri sa tu vijë ngordhja, sepse edhe brumbullin nuk mund ta ndalosh të
bëjë toptha me bajgët e lopëve të shullëra në diell.
Aty e kanë ekstazën. Edhe pasionin edhe ngordhjen.
Aty e kanë ekstazën. Edhe pasionin edhe ngordhjen.
Neveri e neveritshme dhe e përzishme
të rrëzosh heronj e të vesh tradhtarët e kombit në piedestal. E të mos harrojmë
se Avni Rustemin e vrau Zogu i vetëshpallur me bajonetat e Serbisë, kinse mbret
i shqiptarëve. Ndërsa vëllain e nipin (baba e bir) e pjesëtarë të tjerë të familjes
së Avni Rustemit i pushkatuan falangat bolshevike të xhahilit Enver Hoxha, të cilët
nuk ngurruan që edhe shtëpinë e Avniut ta digjnin.
Rrëzo heronj e vur tradhtarë është një rrugë që na çon vetëm në humbëtirë. Historia nuk guxon të kthehet në Legenografi okulte kundër Avni Rustemit, që ishte zemra dhe ideali kombëtar i djalërisë shqiptare.
Rrëzo heronj e vur tradhtarë është një rrugë që na çon vetëm në humbëtirë. Historia nuk guxon të kthehet në Legenografi okulte kundër Avni Rustemit, që ishte zemra dhe ideali kombëtar i djalërisë shqiptare.
7 korrik 2019
