Albania Gazette of Boston 1996-1999- nga Kolec Traboini

ALBANIA GAZETTE OF BOSTON NË VITET 1996-1999

- Numuri i parë janar 1996

Ende janë ruajtur disa kopje ku lexohen shkrimet në përkrahje të luftës së popullit shqiptar në Kosovë. Falë internetit kishim arritur të bënim disa lidhje në Kosovë por edhe në Gjermani e Zvicër si dhe Buletinin "Çlirimi" të LKÇK, prej ku na vini njoftime që ne i botonim dhe i shperndanim në komunitetin shqiptar në Boston dhe më gjerë. Duhet thënë se kjo gazetë e vogël që kalonte dorë në dorë të dielave kur njerëzit mblidheshin në Kishën e Fan Nolit, mbante një qëndrim te hapur në përkrahje të djemëve të UÇK-së që luftonin për liri. Në këtë gazetë është botuar edhe letra që i kemi dërguar presidentit amerikan të asaj kohe, Bill Clinton, më 15 qershor 1998 për mbrojtjen e popullit shqiptar të Kosovës nga gjenocidi serb.

Në foto:

- K. Traboini në krye të demostratës në Boston në mbështetje të ndërhyrjes ushtarake të NATO-s në Kosovë pranverë 1999, në dorë pankartën me portretin e Adem Jasharit në qëndër.
- Letra e botuar në këtë gazetë dërguar vëllait të Adem Jasharit në Gjermani më 20 mars 1998.
- Letra anglisht që K. P. Traboini në emër të Komunitetit Shqiptaro-Amerikan ne New England, i dergoi Presidentit Amerikan Bill Clinton më 15 qershor 1998 për ndërhyrje ushtarake në Kosovë.

- Lista e të masakruarve në mars 1998 në Kosove botuar në Albania Gazette of Boston..

- Letër nga Kosova dërguar Redaksisë në mars 1998 nga Ejup Qerimi.

Jehona dhe përkrahja e luftës per çlirim në Kosovë,  është vetëm një aspekt i veprimtarisë dhe repertorit të kësaj gazete - buletin, modeste kjo, që kalonte dorë në dorë të djelave në Kishën e Fan Nolit në Boston.

Kolec  P. Traboini /Gojçaj

Tiranë - Washington DC

2017

 

Kisha Katolike i zbon politikanët, greku Janullatos u bën jatak- nga Kolec Traboini

KISHA KATOLIKE I ZBON POLITIKANËT, GREKU JANULLATOS U BËN JATAK

Nga KOLEC TRABOINI

E pashëmbëllt ajo çfarë ndodhi në këtë Krishtlindje 2016. Një akt historik mund të themi. Kisha Katolike e bindur më së fundi edhe ajo se shkaktarët e shkatrrimit të Shqipërisë janë politikanët shqiptarë, vendosi që të mos pranojë asnjë politikan në festimin e Krishtlindjes, dhe ta festonte atë me besimtarët e vet, njerëzit e thjeshtë. Dhe ashtu ndodhi. Mirëpo djajtë për të janë djaj. Dreqër me brirë. Ata i nxjerr nga dera dhe hyjnë si lukuni nga dritarja. Po kësaj radhe kjo kastë e fëlliqur politike, këta hajdute që vunë pasuri përrallore, ja mësyni Kishave Orthodokse, të bindur se shërbetori i grekëve që ka uzurpuar kryesinë e Autoqefales së Fan Nolit do ti pranonte. Dhe kishin të drejtë në pandehmën e tyre. Greku dinak i pranoi djajtë e politikës, u bëri jatak,u foli fjalë miradie, ua bëri mendjen çorbë greke, sepse ata në të vërtetë punojnë në të njëjtën linjë me politikat e tij dhe ato të Greqisë që duan greqizimin e Jugut të Shqipërisë dhe shkatrrimin e Veriut. Kësisoj në këtë festë Krishtlindjesh festuan edhe djajt. Djajt e politikës dhe misionari i Greqisë që ka uzurpuar Kishën Orthodokse dhe ka shkatrruar Autoqefalinë me ndihmën e po këtyre djajve antishqiptare Janullatosi është një gozhdë e ngulur në zemër të shqiptarizmës. Ne Krishtlindje ngriti meshë greqisht sikur të ishim shtet raja i Greqisë. Përmbys Noli në varr atje në Forest Hill të Bostonit. Po shqiptarët edhe në kohë të turkut ngrinin meshë shqip e ky na solli grekofoninë. Është një agjent i mirefilltë i inkuadruar në qëllimet shoveniste të skuadroneve ultranacionaliste greke. Ai duhet të shporret nga Shqipëria. Mjaft më! Qëndrimi i tij edhe më tej në krye të Kishës Orthodokse Shqiptare është një katastrofë kombetare. Në foto flamuri i vjetër grek mbi Katedralen e Janullatosit në qendër të Tiranës për të cilën kemi shkruar kohë më parë. Dhe portreti i grekut Janullatos me mbishkrimin 25 vjet në Shqipëri në meshë nuk flet shqip, por greqisht sepse kështu është urdhëruar nga Megaloidheja shoveniste e Athinës.

25 dhjetor 2016

Skllavërimi djallëzor i mendjes - nga Kolec Traboini

SKLLAVËRIMI DJALLËZOR I MËNDJES

Nga KOLEC TRABOINI

Ka një shfrytëzim drastik të mendjeve njerëzore në Shqipëri. Një skllavërim i plotë. Solid dhe pa ekuivok. Dhe të vjen çudi se kjo konsiderohet një gjë normale nga disa intelektualë, që nuk dua tua sjell emrat sepse nuk është qëllimi polemika e vogël e ndërsjellët mes krijuesish, por polemika e madhe.

Në diktaturën komuniste kishte honorare. Në demokraci banditët politikë që i vendosin rregullat e lojës i quajnë të drejtë që të ketë shfrytëzim primitiv të mendjes pa pagesë për hir të dëshirës që të tjerët të lexojnë ty si autor. Kështu bente komunizmi me të burgosurit politikë. Mesa duket paska mendësi nder shtetarë e parlamentare se ne nga ana intelektuale qenkemi akoma në burg dhe ata gardianët tanë.

Të punosh si intelektual pa pagesë është një parim komunist i mirëfilltë, por që komunistët nuk patën guximin ta aplikojnë në shoqërinë civile sepse honorarët e shtypit apo radiotelevizionit qoftë dhe për një lajm të vogël i paguanin. Këtu tek ne, në vitin 2016, në republikën e sallahaneve dhe honxhobonxhove, ligjet mbi shtypin e botimet i kanë hartuar në mënyrën më djallëzore në dem të krijuesve shqiptarë.

Si është e mundur që një autor, i madh apo i vogël nuk e përcaktojmë apriori, pra pasi të paguaj Shtëpinë Botuese, ta zëmë të deputetit Fatmir Toçi (të flasim pa frikë se demi kapet nga brirët e jo nga bishti), pasi të paguaj sa qimet e kokës pra, autor ziu të marrë librat në shtëpi e asnjë librari nuk ja pranon pa pasur një NIPT. Pra u dashka sipas ligjeve të hartuara nga Toçët për Toçët që autori i një libri të paguaj pas botuesit-shtypshkronjë edhe këtë shtet idiot për biznes që të shesë 10 libra. Te jap nja 2 milion lekë në tatime për një bllok faturash NIPT.

Ky nuk është shtet por një rrumpallë, një shtet kaçanësh ku të gjithë synojnë veç të zhvatin. Këta për nga babëzia do ta turpëronin edhe kacakun Ali Pash Tepelena. Nuk ka rëndësi produkti, rëndësi ka zhvatja.

Dhe askush nuk na e shpjegon pse duket të funksionojë kjo rrupallë shqiptare kësisoj dhe si mund te hyjmë në Europë me këtë sharabajkë të vjetër e me banditë që tundin kamxhikun.

Na rrofsh për verë, moj Qeveri, se në dimër na duhet leshi!

pasi të paguaj Shtëpinë Botuese, ta zëmë të deputetit Fatmir Toçi (të flasim pa frikë se demi kapet nga brirët e jo nga bishti), pasi të paguaj sa qimet e kokës pra, autor ziu të marrë librat në shtëpi e asnjë librari nuk ja pranon pa patur një NIPT. Pra u dashka sipas ligjeve të hartuara nga Toçët për Toçët që autori i një libri të paguaj pas botuesit-shtypshkronjë edhe këtë shtet idiot për biznes që të shesë 10 libra. Te jap nja 2 milion lekë në tatime për një bllok faturash NIPT.

Today Deal $50 Off : https://goo.gl/efW8Ef

11 dhjetor 2016