Urrejtje patologjike e akademikëve memurë ndaj gegnishtes- nga K. Traboini

URREJTJE PATOLOGJIKE E AKADEMIKËVE MEMURË 

NDAJ GEGNISHTES

Nuk kam asgjë apriori pro a kundër Standartit, nuk ndjehem përjashtues por përbashkues, madje unë shkodran përdor trajta toskërishte që më ndihmojnë në krijimtari, se të gjitha gjuhët e dialektet janë të bukura. Por atij Standarti i mungon lëngu i jetës, ai lëng që frutave u jep aromë, e në ketë rast për të cilin flasim është Gegnishtja lëngu i jetës. Shtërpëzimi i gjuhës është një krim kundër kombit prandaj na duhet e gjithë pasuria gjuhësore e rrafshit kombëtar, jetëdhënese kjo për kulturën e gjuhës që është themeli jo vetëm i letërsisë por edhe i çdo gjëje të bukur e të mirë të krijuar në këtë vend. Gjuha mban mbi shpatulla kombin.

Problemi më i madh gjuhësor në rrafshin e sotëm kombëtar qëndron tek alergjia që kanë disa gjuhëtarë të ashtuquajtur akademikë ndaj çdo gjëje që quhet Gegnishte. Janë sëmurë psiqikisht prej kësaj urrejtje. Kanë futur në Fjalorët e miratur akademikë ( botimet to ena, to dhio, to tria) me mijëra fjalë të huaja turqisht e sërbisht a më gjërë dhe tregohen agresivë të pandreqëshëm (lloshizmi - e kam quajtur ) ndaj formave dialektale të trungut kombëtar. Kjo është një debilëri e zyrtarizuar për të cilat paguhen me miliona nga taksimet e përbindshme që bën shteti në një vend shumë të varfër e në mjerim si ne (20%). Kur pensionet në Shqipëri janë sa dieta ushqimore mujore e një qeni (dëgjoje ti Alfret Peza, milioneri i kazanit që llomotit përnatë në TV duke i lëpirë b... qeverisë). Është katandisur fjalori GJLSH pra, si gjeldeti i rjepur në prag të vitit të ri, i eksportuar ky nga turko-serbia.

Fjala e parë e Iliadës ështe MENI, e të parës vepër letrare në botë, dhe e gjen vetëm në gjuhën shqipe e këta gjuhtarët e Enver Hoxhës, vetëm se është Gegnishte, e kanë zhduk nga fjalori duke vënë vetëm fjalën MËRI, çfarë të huajt e konsiderojnë fjalë tjetër sepse ndryshimi i një gërme i ndryshon kuptimin çdo fjalë. Këta akademikë janë një bandë me ndërgjegje të kalbur që një qeverisje me mend në kokë do ti hidhte në kosh të plehrave e jo ti ushqente si vemje vegjetuese.

Dhe pse flenë gjumë edhe Akademiket e Kosovës; edhe kjo është një fenomen i çuditshem vegjetativ që ka kapluar rrafshin tonë kombëtar në të cilin kudo paraqitemi në bjerrje.

Kolec TRABOINI

18 maj 2018

E kanë vjedhur, falur apo shitur Obeliskun e Ibrahim Kodrës?- nga Kolec Traboini

E KANË VJEDHUR, FALUR APO SHITUR OBELISKUN E IBRAHIM KODRËS?

Erion Veliaj bën kujdes të dalë çdo ditë e çdo natë me lopatë në dorë në televizione si vullnetarët e Enverit në hekurudha e taraca. Por si nuk doli një herë ky xanxami televiziv pranë Obeliskut të Ibrahim Kodrës që ishte i vendosur tek ajo lulishta e vogël para Bankës se Shtetit, por nuk është më? Në këtë kuadër shihet në qëndër të kryeqytetit në verë 2016.

Rregullimi i sheshit Skendërbej ka një vit që është kryer dhe Obelisku i artistit të madh qe e ka lënë në testament të vendoset ne Tiranë, nuk po kthehet. Thjeshtë sepse atë e ka rrëmbyer bosi i Mediave Aleksander Frangaj që e ka vendosur para ndërtesës së Televizionit "Klan".

Një spjegim pse u rrëmbue kjo vepër monumentale duhet të jepet. Nese Erion Veliaj e ka falur për hir të sherbimeve mediatike që i bën atij Klan TV atëherë kemi një korrupsion për të cilën duhet të vihet në bankën e te akuzuarit.

Po a ka prokuror që ja mban b....të kërkojë të hap proces e të kërkojë arrestimin e kryebashkiakut Erion Veliaj, beniaminit të kryeministrit dhe sipas fjalëve që kanë dalë, do të jetë trashëgimtari i tij politik në pushtet.

KOLEC TRABOINI

2 maj 2018