Poeti: Gjithçka në art konsiston në dashurinë për jetën
Bisedoi: Raimonda MOISIU
Poeti
Kolec Traboini është nga ata krijues që shpreh shpirtin fenomenologjik
me të gjithë qartësinë e mendimit filozofik e artistik dhe me dhuntinë e
njerëzores. Është autor i 20 librave me poezi, prozë, esé, ku
përfshihen 12 vëllime me poezi, nga të cilat tre antologji poetike me
bashkautorë, të mirëpritura dhe të vlerësuara nga kritika e kohës,
audienca e lexuesve dhe dashamirësve të poezisë dhe letërsisë. Poeti
Kolec Traboini është një ndër lirikët më të zjarrtë të vargjeve lirike
shqiptare i letrave shqipe, kjo dallohet e ndjehet te vëllimet e tij
poetike “Itaka Grua” dhe “Lule Pellazgjike”. Gjithashtu pena poetike e
Traboinit dallohet për tonin qytetar e intelektual, është nga zërat
poetikë më të rreptë i gjendjes sociale në stilin migjenian, kujtojmë
poemĂ«n “Koha e prostitutave” krejt e veçantĂ« ne poezinĂ« bashkohore e me
një forcë të madhe në idetë e mjetet shprehëse e emocionale. Në këtë
intervistë poeti i vargjeve lirike shqiptare Kolec Traboini na rrëfen
udhëtimin e tij interesant në botën e artit, veçmas asaj të letërsisë,
ku sikundĂ«r edhe shprehet: “Gjithçka nĂ« art konsiston nĂ« dashurinĂ« pĂ«r
jetën, madje edhe kur në rrethana të caktuara për qëllime të larta je i
detyruar ta japĂ«sh atĂ«”. Poeti nĂ« kĂ«tĂ« intervistĂ« bĂ«n njĂ« apel tĂ«
dhimbshëm njerëzor, për vlerësimin e poetit Frederik Rreshpja, duke e
konsideruar si një nga lirikët më të mëdhenj të gjysëmshekullit të
kaluar. Për më shumë ndiqni intervistën.
Nëse do të duhej të prezantoje veten para lexuesve si do ta
bĂ«nit kĂ«tĂ«. Do t’ju pĂ«lqenit tĂ« quheshit poeti, shkrimtari, kineasti apo
gazetari Traboini?
Njeriu i tunduar nga arti provon veten në të gjitha fushat, por kjo nuk
do të thotë se mund të stamposet me një mori epitetesh siç ndodh rëndom.
Krijuesi është dalëzots i shpirtit të vet, është njeriu në kërkim të
përhershëm të mënyrave dhe formave të shprehjes, në këtë sens nuk mund
ta vendosësh as vetëm në një kuadër se do të ndjehej ngushtë. Mes këtyre
arteve ku e shpreh veten, autori ka diçka që e dallon dhe ajo është
fryma e tij. Poetët në çdo gjini të shkruajnë, në çdo formë arti të
shprehen, do të ndjehen si të tillë, sepse në të gjitha do të
interferojë ndjesia e thellë e fryma poetike, sinqeriteti deri në
brishtĂ«si. Mendoj se e bĂ«ra pĂ«rzgjedhjen…
Atëherë le të fillojmë me frymën poetike, çfarë është me pak fjalë qëllimi dhe esenca e jetës së një poeti?
Kur nis e shkruan ai që duhet ta meritojë të quhet poet, ka bërë një
marrëveshje me vetveten e kjo është shfaqja e gjithçkaje që përjeton në
shpirt para atyre që e lexojnë. Mosrespektimi i kësaj marrëveshje, pra
nëse ai që shkruan kërkon të bëjë të mençurin, të diturin, të zgjedhurin
dhe i fsheh trazimet brenda vetes, tregon se është bërë zgjedhje e
gabuar. Ky është ndryshimi mes poetit dhe atyre që shkruajnë thjesht se
ua kanë mësuar alfabetin. Poetikën mund ta mësosh në shkolla, por
shpirti nuk i përfill zanatçinjtë. Ai është si nëna që e krijon fëmijën
në shtatzani pa e prekur një herë me dorë. Nëse do të insistojmë një
përqasje me mjeshtëritë do të isha i detyruar të bëja këtë përzgjedhje:
arti poetik është si një kudhër kur rrihet gjithnjë hekur i skuqur.
Çfarë mendime keni për poezinë; a mund ta perifrazoni atë; cili
është raporti i autorëve me poezinë; dhe sa në poezi shprehet vetvetja?
Poezia, lirika e shpirtit është si qielli ku fluturojnë të gjithë
zogjtë, ngjashëm qielli i poezisë është hapësira ku fluturojnë të gjithë
dĂ«shirat sado mistike tĂ« jenĂ«. MĂ« sĂ« shumti Ă«shtĂ« i kaltĂ«r …eh, po dhe
nxin ngandonjëherë, dhe atëherë, mjerë zogjtë e dashuruar mbetur pa
strehëz. Për mua ka rëndësi që të shpreh çfarë kam me shpirt me çdo
kusht e në çdo rrethanë. Anipse edhe vetë përpiqem të shpjegohem, të
gjitha teorizimet mbi poezinë më duken veç retorikë. Askush deri tani
nuk i ka dhënë një definicion të saktë. Ka edhe groteske të tilla kur
ata që sapo kanë shkruar një tufëz vargje naive e kanë botuar një
librushkë nisin e flasin për mjeshtrinë e poezisë dhe i flasin
seriozisht në televizionet kombëtare. Mjerim i madh është kur media
kultivon injorancën. Nëse hedhim vështrimin jashtë, vë re se poezia
amerikane është shumë e thellë në mendime, por jo dhe aq në ndjesi.
PĂ«rpiqem t’i njoh, madje edhe i pĂ«rkthej herĂ« pas here pĂ«r t’i kuptuar
më mirë. Më i fuqishmi i të gjithëve në poezinë moderne ishte ai që
quhej poeti i ndyrë i rrugës me emrin Bukovski dhe unë e pëlqej aq
shumĂ«, sepse as nuk do t’ia dijĂ« çfarĂ« thonĂ« pĂ«r tĂ«, i thotĂ« gjithĂ«
botĂ«s intelektuale akademike: “Shko tej!”. TĂ« tjerĂ«t janĂ« ndryshe. Ai
është më shumë europian, sepse është pinjoll i një babai gjermani
përzier me grua polake. Unë i kam jetuar të dyja edhe Amerikën edhe
Europën dhe them se arrij të dalloj ndryshimet mes tyre. Poezia
amerikane është temperamenti amerikan, të vetmin revolucion të vërtetë
në poezi e kanë bërë brezi e Beat Generation. Të tjerët, përjashto
Bukovskin, që e thamë më lart, janë më të qetë. Poezia amerikane është
jeta amerikane. Madje Xhim Morrison ka më shumë temperament se shumë
poetë të atij vendi të madh që natyrisht lind gjigandë në proporcionet e
veta. E kjo më bën të mos çuditem që kur u shfaq Khalil Gibran me
poezinë e tij mistike arabe, e pritën si një perëndi në qiellin e
poezisë e prozës filozofike amerikane e cila i pranon prurjet e artit
nga gjithë bota dhe shpesh bëhet frymëzuese e saj.
A mund tĂ« ndahet poezia nga autori nĂ« gjykim estetik nĂ« sensin – poezia Ă«shtĂ« frymĂ«, autori Ă«shtĂ« trup?
Sado tĂ« pĂ«rpiqemi t’i ndajmĂ«, vepra dhe autori janĂ« tĂ« ngjizura tĂ«
njëra-tjetra. Autori mund të ndërrojë jetë, por ka jetën e dytë brenda
veprës. Simpatia për veprën, do apo nuk do, të çon në simpatinë drejt
autorit dhe e kundërta. Më ka lindë një problem i kësaj natyre kohët e
fundit kur nisa tĂ« merrem me njĂ« libĂ«r mbi poetĂ«t “Kujto Poetin”.
Mendova gjatë dhe pasi e shoshita me veten time vendosa ta lë jashtë
autorin Farudin Gunga. Dikush mund të thotë se i ndjeri ka qenë poet i
mirë, por unë kam mendimet e ndjesitë e mia. Ai mund të ketë qenë poet i
mirë, por më i mirë se për ne shqiptarët mund të ketë qenë për serbët
të cilëve u shërbeu me devotshmërinë e një skllavi. Çfarë më duhet mua
retorika atdhetare kur i fut thikën pas shpine popullit tënd. Kësisoj
mendoj se nuk ka një prerje me thikë të veprës nga autori. As vdekja e
autorit nuk e ndan atë nga vepra e tij. Po të kërkoni me vëmendje në atë
çfarë shkruhet në vepër do ta gjeni autorin patjetër. Nuk mund të ketë
Iliadë pa Homer. Nuk mund të ketë Ana Karenina pa Leon Tolstoj. Nuk mund
të ketë Migjen pa vargje të lira as vargje të lira jashtë Migjenit.
Ju keni shqipëruar mjaft poetë të huaj në një libër që keni në
dorĂ«shkrim “Nga Safo tek Bukovski”. A ruani mendimin se shqipĂ«rimet
veçmas poetike mund të rishqipërohen nga autorë të ndryshëm për shkak se
shpesh këto shqipërime janë shumë larg poezive në origjinal?
Ruaj mendimi që edhe shqipërimet mbajnë vulën e kohës, të nivelit të
shqipëruesit e disa faktorëve të tjerë që me kalimin e dekadave
anashkalohen. Por dua të them diçka për shqipërimet poetike temë të
cilën e kam trajtue edhe në një bisedë televizive. Gjatë viteve të
rinisë kur rrëmbenim e lexonim çdo gjë, padyshim edhe poezitë e
shqipëruara i kishim në preferencë. Por ashtu siç jemi mrekulluar nga ca
shqipërues, ashtu dhe jemi zhgënjyer nga të tjerë, sepse kemi lexuar
poezi tĂ« autorĂ«ve tĂ« mĂ«dhenj dhe thonim: “si qenka i madh ky poet me
këtë lloj poezie, të varfër në shprehje, me shumë celebrale se
emocionale”. Ma do mendja se kanĂ« qenĂ« pĂ«rkthyer nga njerĂ«z qĂ« e kishin
poezinë larg vetes. Dhe vazhdoj të mendoj se poezinë mund ta shqipërojnë
bukur ata që shkruajnë vetë poezi.
Si i vlerëson raportet e qeveritarëve shqiptarë me poetët dhe artistët në përgjithësi?
Nëse e keni fjalën për afinitetet e qeveritarëve mediokër me këngëtarë
“thesi”, ato vĂ«rtet janĂ« njĂ« mrekulli dhe shtetarĂ«t shpenzojnĂ« para pa
hesap ndërkohë që për poezinë nuk japin asnjë cent. Por, edhe paradokset
vazhdojnë të pafundme në atdheun tonë ku poetët ndjehen jetimë, ka
raste kur ndonjë njeri që nuk ka qenë e as nuk mund të bëhet kurrë
shkrimtar, të lartësohet e miklohet deri në qiell nga qeveritarët për
një libër politik që është thjeshte një mballosje, si një thes me 700
arna që mban brenda eshtnat e një të vdekuni, e kështu autori po na
ngjet jo pak me plakën Nicë që në mënyrën më të llahtarshme ia përplas
tufën e kockave të kolonelit Z, priftit dhe gjeneralit.
Pas dy dekadave a ka mundur të shpëtojnë letërsia nga hierarkia e
konsoliduar e një sistemi të ngurtë dhe a vazhdon letërsia të mbetet
viktimë e mentalitetit të real-socit?
Mjerisht ne ende dhe sot e kësaj dite nuk po shpëtojmë dot nga
skematizmi i mendimit mbi letërsinë e aq më tepër poezinë. Ca njerëz
dinë të shkruajnë, por nuk dinë çfarë thonë, ca tru të ngelur brenda
skemave të shabllonizmit të para dy dekadave. Kur duam të shpëtojmë prej
kësisoj klasifikimesh a klishesh me idhuj e mite, biem prapë në të
njëjtën skemë kur përmendim dy emra X apo Y, duke u nisur nga preferenca
vetiake apo shtetare. Dhe kështu mbetemi aty ku ishim dhe harrojmë se
poezia është një pyll me drurë të mëdhenj e të vegjël dhe bukuria nuk
matet kurrsesi me dimensionet e trungut. Zot na shpëto prej mendimeve të
kalcifikuara e sindromave të real-socit që krijonte idhuj e duke mos
patur kurrfarë mëshire a bonsensi nuk përtojnë ta na i imponojnë në kokë
përdhunshëm.
A mund të na thuash një poet që vjen e kalon modestish e lë pas
një vepër poetike të admirueshme larg të gjitha skemave dhe hierarkisë
së sajuar që më shumë shfaqet si piramidë tiranie për poetët?
Do të përmend disa emra poetësh që i kam njohur personalisht dhe e
admiroj krijimtarinĂ« e tyre si njĂ« thesar kombĂ«tar i artit shqiptar. –
Frederik Reshpja që e konsideroj lirikun më të madh të gjysmës së dytë
të shekullit që shkoi, e kam njohur, kemi punuar bashkë në Kombinatin e
Drurit në Shkodër. Kemi qenë një grup letrarësh të rinj asokohe në
Shkodër që e mbanim si idhullin tonë letrar. Është një mjeshtër i madh,
njĂ« shpirt i kulluar, njĂ« dlirĂ«si e pashoqe nĂ« poezi dhe tipik – i
burgosur nga diktatura dhe i anashkaluar nga demokracia që edhe poetët
pĂ«rpiqet t’i inkuadrojĂ« nĂ« klane politike. Frederik Reshpja i pĂ«rbuzi tĂ«
gjithë ata shtetarë e nënpunësa rrangallë që e lanë në gjendje të
mjerushme në fundin e jetës. Por ai ishte e mbeti një zog shiu, një yll
në qiellin e poetikës, një diamant i lirikës shqipe anipse edhe sot e
kësaj dite bëjnë sikur nuk ka ekzistuar kurrë. Ka një rrugë në Tiranë
për një poet që ka qenë deputet e militant partiak, edhe një shkollë në
Shkodër po ashtu. Mirë kanë bërë që i kanë vënë, por nuk ka as rrugë e
as shkollë me emrin e Frederik Rreshpës që i përbuzi pushtetet të cilët
janë bërë strehëz batakçinjsh, spekulatorësh dhe njerëzish pa asnjë
meritë, që nuk kanë dhënë asnjë kontribut për këtë vend e për këtë
popull. Kështu mund të them edhe për poetin tjetër të shquar shkodran
Zef Zorba. – Ndoc Gjetja, tĂ« cilit i kam bĂ«rĂ« njĂ« cikĂ«l fotografish nĂ«
Athinë 1993, ato foto që botohen në të gjitha gazetat dhe unë e kam
quajtur edhe nĂ« ese “Poeti me fytyrĂ« Krishti”. NĂ«se e jetĂ«rsojmĂ«
shembëllesën e mirësisë së Krishtit tek një njeri krijues, ai ishte
poeti Ndoc Gjetja. – Madu gjithashtu, JamarbĂ«r Marko, tĂ« cilin e njoha
në fakultet si bashkstudent në gazetari, por edhe në Kinostudio kur e
sollën të punonte punëtor në mirëmbajtje pas dënimit. Ishte një poet i
çliruar prej të gjitha skemave që ia zënë frymën poezisë. Ky mund të mos
jetë një prej korifenjve që disa trumbetojnë me të madhe, por ama është
poet i vĂ«rtetĂ«…çfarĂ« duhet tĂ« jetĂ« ambicia e çdo poeti. Kush lufton tĂ«
jetë i parë e kthen qëllimin e jetës në luftë karrigesh, por vendin e
vet si poet e ka humbur.
Çfarë mendimi keni për kritikën letrare bashkohëse; a ndjehet dhe sa ndihmon ajo në evidentimin e vlerave letrare?
Ju keni të drejtë që pyesni dhe pyetja juaj mbart një shqetësim, por unë
do ta formuloja pyetjen më të drejtpërdrejtë. A ekziston kjo kritikë?
Në një bisedë që kam bërë me të ndjerin pedagogun tim, Adriatik
Kallulli, kohë para se të ndërronte jetë, për të cilin mund të them
ishte i vetmi kritik pasionant e serioz i letërsisë shqipe, kemi
diskutuar edhe problemin e mungesës së seriozitetit në kritikën letrare e
cila sot shfaqet si mosekzistente, apo që e shet lëkurën fort lirë. Dhe
ky është një shkak që më bën fort skeptik në vlerësimet apo kritikat që
aty-këtu shfaqen më së shumti për hir të interesave materiale. Sot
recensionet lavdëruese të vetquajturve kritikë po bëhen me para e kësaj
të shkretë paraje po i përkulen edhe shumë nga ata që pretendojnë të
kenë tituj shkencorë. Këto janë precedentë të rrezikshëm anipse ndokush
ka mendimin se nga mediokriteti nuk i vjen e keqja letërsisë. Kjo ka një
të vërtetë, por ama po vëmë re një fenomen tjetër, mediokrit nuk
mjafton të jenë prezentë me veprat, por kanë nisur të bëhen agresivë, po
kërkojnë të dalin në krye të punëve, të vetshpallen me tituj të mëdhenj
ndërkombëtarë, të cilat i kanë blerë nëpër ca institucione fantazmë e
spekulative deri në Amerikë (se edhe bota i ka këto fenomene).
Organizojmë madje edhe manifestime masive mediokriteti që ndonjëherë
rrokin edhe pëlqimin institucional të shtetit duke e kthyer krijimtarinë
poetike në një kaos të vërtetë. Mendoj se autorët seriozë nuk duhet të
bien në këtë praktikë që tashmë është në modë, ata nuk kanë nevojë për
paterica kritikësh pa personalitet. Nëse me kritikë mendohen këto lloj
recensionuesish-lavdemëdhenj me pagesë, atëherë me të drejtë e plot gojë
do të themi se kritika letrare nuk ekziston.
Ke lindur në Shkodër të cilës i ke thurur shumë poezi plot
dashuri e nostalgji, po Shkodra a të pret ngrohtë a ke zhvilluar ndonjë
veprimtari poetike apo filmike në këtë qytet ku arti shqiptar mund ta
konsiderojë djepin e vet?
Do tĂ« kisha dashtĂ« tĂ« mos mĂ« bĂ«hej kjo pyetje. T’u bĂ«hej atyre qĂ«
drejtojnë veprimtaritë artistike në Shkodër prej të cilës veprimtaria
ime letrare dhe kinematografike nuk ka sesi të ndahet. Ju kujtoj filmat e
mi tĂ« hershĂ«m “Kol Idromeno” dhe “Marin Barleti” tĂ« çmuar pĂ«r vlera nĂ«
rang kombëtar. Por edhe kohët e fundit kam krijuar film montazhet
“MartirĂ«t”, “Martin Gjoka”. EsetĂ« e mia pĂ«r ShkodrĂ«n janĂ« pjesa mĂ« e
mirë e publicistikës sime nëpër vite. Ndërsa poetikisht Shkodra ka qenë e
mbetet burimi i frymëzimit tim. Nga dy vëllimet me poezi botuar në
2012, njĂ« kapitull i gjerĂ« me titullin “Ode pĂ«r ShkodrĂ«n” i kushtohet
marrëdhënieve të mia shpirtërore me qytetin tim të fëmijërisë. Madje
hyrja nĂ« vĂ«llimin “U dashka tĂ« dal natĂ«n vonĂ«” titullohet “Poetika e
fĂ«mijĂ«risĂ«” nĂ« rrugĂ«n Badra. MĂ« vjen keq tĂ« them se nuk jam ftuar nĂ«
asnjë lloj veprimtarie letrare dhe artistike. Është zgjedhja e tyre, por
unë kam qenë e mbetem një krijues shkodran. Këtë lloj trazimi
shpirtëror që ma sjellë ky indiferentizëm më ka nxitur të shkruaj një
ese “Pellazg i mbetur pa atdhe” tĂ« cilin e kam botuar nĂ« hyrje tĂ«
vĂ«llimit me lirika “Lule pellazgjike”. NĂ«se drejtuesit e kulturĂ«s nĂ« njĂ«
qytet të tillë me emër të madh nuk marrin mundimin as të lexojnë çfarë
shkruhet për qytetin e tyre kjo është pjesë e përgjegjësive të veta, por
kjo nuk më çudit kur shoh se varrin e Kol Idromenos në Rrmaj, që duhej
të ishte vend pelegrinazhesh për artistët shqiptarë të mbarë botës e
kanë lënë në mënyrën më të mjeruar. Kur me kolosin shqiptar të artit
sillen kĂ«shtu, ç’presin tĂ« tjerĂ«t?!
Ju si krijues i ardhur nga djepi letrar i gegnisë, çfarë mendoni
për një kontradiktë që po vjen gjithnjë e më shumë në evidencë, raporti
mes Gjuhës Standarde dhe asaj Gegnishte?
Natyrisht edhe sikur tĂ« mos dua, kĂ«saj pyetjeje nuk mund t’i shmangem.
Për çdo shkodran është një plagë anashkalimi, o më mirë shkelmimi i
gegnishtes, çfarë më vjen ndërmend se me këtë po duen të shkelmojnë edhe
artin që ka lind në këtë djep të gegnisë. Ka një shprehje të njohur
“Uthulla e fortĂ« then enĂ«n e vet”. KapĂ« pas ksaj rrfane, na duket se kjo
përkon aq bukur me gjuhëtarët e Tiranës që idhnohen nga se nuk po duen
me e afrue të bukurën, gegnishten tonë as në fjalor e as në sintaksë e i
gëzohen veç një Drejtshkrimi të cunguem e Fjalori mjeran, që më shumë e
turpëron se e nderon Gjuhën Shqipe, sepse në leksik ka 35 mijë fjalë që
po tĂ« pjestohen me 6 (sepse 6 fjalĂ« janĂ« veç me termin parazit –
kooperativë, që nuk e përdor ma kurrkush prej alergjisë kooperativiste),
atëherë përfundimi krejt mjerueshëm na del se jemi në kufinjtë e 6-10
mijë fjalëve në rrënjë shqipe. Që pra mbrothësia e përparimi ynë për t`u
qarë me lotë: gjuha ma e vjetër me rranjë e degë tek pellazgët, në
ilirishte e mandej, po na shfaqet si ma e varfra gjuhë në Europë, e kjo
falë gjuhëtarëve të epokës pa lavdi. Në aspektin tjetër ka shumë dëshira
me u largue ma shumë se me u afrue. Meqenëse unë jam në rrah të ernave
se shkruaj edhe standart, por edhe në gegnishte në ca poetika të
veçanta, ndjehem vërtet keq. Në këtë rast nuk më pëlqejnë ekstremet, më
pëlqen bashkimi e bashkësia gjuhësore, afrimi e jo largimi. Më pëlqen
Kristoforidhi me Mark Shalgjatin e tij, “Prite, o Gjin!”… E nĂ«se e hap
këtë temë përsëmbari jam gati me shfry tan dufin tem edhe kundër njënës e
tjetrĂ«s palĂ«….Tue e tĂ«rhjek litarin dy palĂ«t e duke mos lĂ«shuar asnji
përçik, gjasat janë litari të kputet. E kujt i vlen kjo? Kurrkujt. Sot
nuk ka ma asnjë shkak që të ngulmojmë me frymën e imponimit të dhunshëm
edhe në fushë të gjuhës, e cila kurrsesi nuk guxon të bahet fushëbetejë
klanesh, krahinash, partish apo ideologjish shterpë, aq ma tepër fushë
përçarjesh jug-veri.
Tek ju si autor shfaqen dukuri të tilla, në një aspekt jeni
demaskues i rreptë i gjendjes sociale, ndoshta ndër zërat më të rreptë
nĂ« poezinĂ« e sotme duke ecur nĂ« gjurmĂ«t e migjeniane si tek “Koha e
prostitutave” ndĂ«rkohĂ« jeni ndĂ«r lirikĂ«t mĂ« tĂ« zjarrtĂ«, kujtoj vĂ«llimet
“Itaka grua” dhe “Lule pellazgjike”. A i konsideroni kĂ«to kundĂ«rshti tĂ«
pazakonta në gjendjen emocionale të një poeti? Dhe cili mendoni se do të
jetë vendi Traboinit në letërsinë shqipe?
Nëse poeti do të kishte në gjoks një copë shkëmb e jo një det, do të
ishte e panatyrshme sepse çdo tronditje e madhe do ta thyente atë. Por
poeti është si deti. Përjeton stuhi të mëdha dhe gjithçka nga thellësia i
nxjerr nĂ« breg. A e keni vĂ«nĂ« re ç’ndodh me detin tĂ« nesĂ«rmen e ditĂ«s
me dallgë të mëdha. Vjen qetësia. Vjen një ditë e bukur. Deti në
horizont kalon nga a kaltra në blu në një vijë të drejtë. Ai të bën
magji e ti dashurohesh me të. Mbaj mend nga fëmijëria se për shitësin ku
merrnim ushqime me listë, thonin ai sot është me mot të keq dhe nga ky
shkak atë ditë do të përjetonim urinë. Apo ai sot është me mot të mirë
dhe ishim të sigurtë se do ta ngopnim barkun mirë. Kohë fëmijërie e
varfër që do të më çonte më pas në shtëpinë e fëmijëve jetimë në
Shkodër. Konceptet poetike mendoj se qëndronin në vizionin e njerëzve që
më rrethonin në fëmijërinë time dhe kjo në një mënyrë a një tjetër më
ka injektuar në natyrën time ndryshueshmërinë e motit.
Gjithçka qëndron tek pasioni, dashuria e zjarrtë për të vërtetën, për
njeriun, për natyrën, dhe urrejtja po aq përvëluese për çdo gjë që e
pengon apo dëmton të bukurën, që shkatërron jetët njerëzore. Gjithçka në
art konsiston në dashurinë për jetën, madje edhe kur në rrethana të
caktuara pĂ«r qĂ«llime tĂ« larta je i detyruar ta japĂ«sh atĂ«. …Vendi im
është në poezinë time, në librat e mi. Aty e ndjej veten mirë. Të tjerat
janë vetëm ambicje gjallnorësh që vjen një ditë e shuhen bashkë me
njeriun. Poetët që nuk janë më në jetë nuk grinden për hierarkitë
letrare. Nuk kanë më luftë bërrylash, as çmime të marra me tarafe.
Përtej daljes së arkeotipit nga skena, poetin e përfaqëson poezia e tij.
Mirë keq, çdo gjë është kryer. Gjithçka ka kohën e vet; lindja,
adoleshenca, marrëzitë e rinisë dhe dashuria çmendurake me artin,
endacakëria nëpër botë, sistemimi i shpirtit në vargje e libra si
testament dhe… kĂ«mbana qĂ« bie pĂ«r tĂ« mbyllur kapitullin. PĂ«r njĂ« gjĂ«
duhet të mbetet i qetë e i kthjelltë çdo krijues, koha për vlerat e
stisura është e pamëshirshme.
Gazeta "Tirana Observer",
e enjte 18 Prill, 2013