“Shekulli”,
22 gusht 2014
KOL SHKODRANI
E
paska shfrytëzuar deputeti gazetën e vet për t'na sajdisur. Deputeti i
Prrallamentit tonë Kombëtar. Oj-oj-oj...
Ky po që është lajm. Që nga kohët biblike një lajm i tillë “i mirë” nuk
ish dëgjuar. Mirëpo deputeti i Prrallamentit na krreu. Për këte janë deputetët.
Ti krrejnë punët. E çfarë është berë nuk
çbehët më. Palla që del nuk futet prap në mill pa fitore. Kështu janë punët
kalorësiake. Mirë ka bërë. Ky është një
lajm e deli lajm për të treguar se si nuk bëhet gazetaria. Kjo tregon fuqinë që
kanë ata që kanë pushtetin, kanë paranë, kanë prona të pafundme, janë milionerë
e miliarderë kur në vitin 1990 ishin brekëgrisur si të gjithë ne të
tjerët. Për mua është një skandal
mediatik. Për mua asnjë deputet që përfaqeson popullin nuk duhet të ketë gazetë
personale për të manipuluar opinionin,
për të kundërshtuar e luftuar njerëzit e thjeshtë që nuk kanë asnjë mjet
ku të shprehen, ku të mbrohen, që nuk i përkasin asnjë partie, e që mbrojnë
interesat e popullit e jo të palikarëve të rinj që ja kanë hipur kalit nga
bishti. Na e paska kënduar mirë deputeti. Mirë ka bërë. Ua ka ndezur bajgat dhe
ca anonimëve që i bëjnë Hossanna! Rroftë Koço Kokëdhima !- thonë itharët që i lëpihen kujdo që ka pushtet! Je
mal i lartë- i thonë. Ky Traboini nuk është gjë përpara teje paçka se
ka emër mali. Ky nuk gjen rehat e gricet me të gjithë palikarët e pushtetit,
nga Bostoni në Tiranë. Çfarë nuk thonë sejmenet e deputetit. Edhe nëpër
nevojtore publike dikur shkruanin më bukur se anonimët e sotëm, e tani që ska më asnjë nevojtore
publike, se i shitën kryetarë-leshët e
Bashkisë së Tiranës për pika karburanti,
laskandraqët nuk kanë ku të shprehin talentin ndaj shkojnë e shfryhen në kollonat e gazetës së
padronit. Bërrrr...tërë qelbësirëlleqët e kësaj bote.
Ani
pse nuk kam gazetë, do e këndoj edhe unë këngën time, do e këndoj patjetër. Por
mengadalë të na piqet zëri mirë. Pse të ngutemi, siç bën deputeti. Këtu jemi.
Ai atje në maj e ne këtu poshtë. Gazetë
nuk kemi vërtetë por kemi Blog Internetik . Rroftë teknologjia amerikane,
Rroftë Amerika se për këta faqezinjtë e kombit tim do të ishim sot pa zë fare.
Dhe që ta themi hapur unë me Koçon e Qeparoit nuk kam asgjë personale, kemi
gjëra që kanë të bëjnë me këndvështrimin dhe pozicionin ku ndodhemi, ai e sheh
Atdheun nga lart ( shaluar), nga maja e pikaloit, unë e shoh nga poshtë. Dhe
kur gjërat i sheh nga lart të duken të vogla,
e kur i sheh nga poshtë të duken të mëdha. Pastaj edhe ndryshojmë pakëz
se pas shpatullave ai ka një rrap të gjysh stërgjyshit, siç e ka shënuar ne
Wikipedia, katër breza në një rrap, goxha rrap, në bythë të cilit mund të kullandrisesh me raki e të molloisësh histori, ndërsa
unë kam gjakun e tim eti atje në shkrepat e Malësisë në vendin që quhet
Maja e Haramisë e ku trupi ju bë plagë nga plumbat për Atdheun. Po këtu ndër palikarët e rinj ka një nëmë e
ka një gjëmë,” kush punon për Atdheun e hëngërt dheu!”.
Ndryshojmë
shumë vërtetë, prandaj dhe ai ka gjithçka e unë asgjë.
Kaq
sa për aperitiv për ata që hanë e pinë nëpër Sheratona e ne jetojmë me 3
dollarë në ditë në këtë Shqipërinë e kusarëve e palikarëve, krejt njësoj si me tallonat e Enverit. Na
mori historia babam. Le tia themi:
ATA HANË NË SHERATONA
Ata hanë në Sheratona
ne na zë nata pa
bukë
kjo Shqipëri s’qënka
e jona
qënka vetëm për
hajdutë
se janë kta që
mbronë Fullanin
Cane seksin dhe
shejtanin
ca boj-blu ca rjepa-kuq
popull shkreta
rri gërmuq
mjer i varfëri, mjer Shqipëria
mjer i varfëri, mjer Shqipëria
barkun thatë poshtë
e përpjetë
mbet pa punë
krejt rinia
por gjen punë kush
seksin jep
s’pyet njeri per fukaranë
që prej skamjes vetën vret
rrofsh e qofsh, o deputet
s’pyet njeri per fukaranë
që prej skamjes vetën vret
rrofsh e qofsh, o deputet
që na krreve në
gazetë
ku bën ligjin e
Maliqin
vetë kadi, veli dovlet
vetë kadi, veli dovlet
janë kohë të vështira
plot ngatërresa
molloira
që ti thuash do
një jetë
do ti themi, mos
ki dert:
- Ata hanë në Sheratona
- Ata hanë në Sheratona
ne na zë nata pa
bukë
kjo Shqipëri s’qënka
e jona
qënka vetëm për
hajdutë
por ne s’ kemi
ç’të humbasin
ndaj e ngremë
zërin jehonë
s’është Atdheu i
kusarëve
është Shqipëria
jonë!
KOL SHKODRANI
22 gusht 2014
