Sokol Balla me kollaro purpuranti pyet Edi Ramën:-A DO TA MBASH KAMARIEREN NË PUNË z. KRYEMINISTËR?
Nga Kolec TRABOINI
Gazetari televiziv Sokol Balla në intervistën me Kryeministrin e ri të Shqipërisë në Top Channel kishte bërë supërkujdes për të vënë kollare purpuranti, sikur t'i kish fituar ai zgjedhjet e jo Kryeministri . Krejt pa sens kjo paraqitje. Një shprehje prej servanti. Po ca mendime shkojnë me tej, se kollaroja në të njëjtën ngjyrë me flamurin e PS ishte një sinjal për ti thënë Kryeministrit më bëj drejtor në ndonjë dikaster, ose drejtor në TVSH sepse Petrit Becit i ka ardhur koha të ikë, sepse e ka mbushur edhe kohën edhe kupën. Mënçuri fshatarake.
19 shtator 2013
Për të njohur më gjërë gazetarinë e Sokol Ballës ju rekomandojme të lexoni në këtë link:
http://oraeshqypnise.blogspot.com/2013/09/sokol-balla-kapet-ne-flagrance-si.html
Gazetari televiziv Sokol Balla në intervistën me Kryeministrin e ri të Shqipërisë në Top Channel kishte bërë supërkujdes për të vënë kollare purpuranti, sikur t'i kish fituar ai zgjedhjet e jo Kryeministri . Krejt pa sens kjo paraqitje. Një shprehje prej servanti. Po ca mendime shkojnë me tej, se kollaroja në të njëjtën ngjyrë me flamurin e PS ishte një sinjal për ti thënë Kryeministrit më bëj drejtor në ndonjë dikaster, ose drejtor në TVSH sepse Petrit Becit i ka ardhur koha të ikë, sepse e ka mbushur edhe kohën edhe kupën. Mënçuri fshatarake.
Ndërsa viheshin re përgjigjet e qeta e të matura të
kryeministrit Edi Rama që ishin në lartësinë e dinjitetit të fitimtarit të
kulturuar e modern, pyetjet e gazetarit televiziv vinin pa kurrfarë niveli
madje deri në absurdin:
- A do ta mbash kamarieren e Kryeministrisë (e cila paskësh
qënë edhe kamariere e Saliut dhe Fatosit).
Mu nxinë sytë kur e dëgjova. Kësisoj flitet tek kafeneja e
Rremës, rrugës kur shkon për në Tufinë. Por le të vazhdojmë më
tej. I bën Kryeministrit Rama edhe këtë pyetje:
- Çfarë ju kujton kjo dritare e Kryeministrisë, që e
shihje nga jashtë në demostratë me 21 janar 2011.
Për të vazhduar më pas me pyetjen skandaloze për kush i di
mardhëniet mes dy liderëve socialistë e makinacionet antiRamë të Nanos, shto
këtu dhe flirtet e këtij të fundit me Berishën. Kinse nuk e dinte
Sokol Balla se nanoistët, ky biçim njerëzish pa ideale si Kastriot Islami e
ndonjë tjetër, lanë PS dhe u futën nën sqetullen e skifterit Sali Berisha që e
ka bërë partinë e vet si plehërishte. Pyetja ish:
- A je mirënjohës per Fatos Nanon?!
Se çfarë donte Fatos Nano në këtë intervistë, as Zoti e as
dreqi s'e dinte. Per ta kuptuar duhet pasur mendje Sokol, që harron se
mirenjohje duhet patur popullit që e zgjodhi e jo atyre që losin role
dhelprash në skakierat e politikës herë në Tiranë e herë në Vjenë, sepse falë
posteve të larta që kishin, i kanë mbushur bankat plot duke e keqpërdorur
pushtetin. Kryeministri Rama ju shmang me zgjuarsi pyetjeve që donin ta nxisnin
të dilte në situatën pozante dhe euforike të triumfatorit.
Përgjigjet e Kryeministrit kishin bonsens por pyetjet për të
ardhur keq pa ndjenjën e realitetit shqiptar që pret nga qeveria shumë më tepër
se sa emocionet personale të uljes në një kolltuk.
Kam parë e dëgjuar në Amerikë me qindra intervista
personalitetesh të realizuara që nga i madhi nga Larry King i CNN-it plot
inteligjencë e nivel të lartë, apo gazetarë të tjerë, po kësisoj
pyetesorësh si kjo e Sokol Ballës kurrë.
Pyetjet shprehin kulturën dhe dijet e gazetarit, por edhe
nivelin mediokërr ndonjëherë.
19 shtator 2013
Për të njohur më gjërë gazetarinë e Sokol Ballës ju rekomandojme të lexoni në këtë link:
http://oraeshqypnise.blogspot.com/2013/09/sokol-balla-kapet-ne-flagrance-si.html
