KOMUNIZMI - STRUKTURA VRASTARE DHE MENTALITETI
Nga K. P. TRABOINI
Gjatë një bisede, një koleg krijues shprehu mendimin se si shumë e anatemojmë kohën e monizmit. Mesa duket prishaqejfin e kishte me mua. Mgjithëse, për shkak të
lidhjeve të tij shpirtërore që ka pasur me atë sistem, e kuptoj(por jo mirëkuptoj), por kam qasje tjetër, qoftë edhe për
shkak të rrethanave të mia familjare apo
fisnore, se janë ekzekutuar dy njerëz, në moshë 25 vjeçare e krejt të pafajshem, të dy djem Hoti, Nikoll
Gojçi dhe Palok Uci, vëllai i nunit tim për të përmendur edhe nipin e Dadës sime Katrinë Traboini-Skanjeti
(vajzës së Motrës Tone), të pa harruarin me fytyrë shenjtori Monsinjor Ernest
Çobën, që e vranë në burg hetuesit e diktaturës.Dy të parët pa varr. Po Dadës time Katrine i kanë ekzekutuar edhe motrën Domenika Skanjeti-Vila në Pejë. I përmend sepse nuk dua ti lë në anonimitet e në harrim.
Të duash vitet e rinisë tënde, nuk do të thotë
se ke ndofarë nostalgjie të një kohe pa liri. Ka një motiv poetik të shkelqyer
Pol Eluari "Shtetrrethimi", e kemi lexuar që atëherë e ku thotë; ishim
në shtetrrethim, nuk kishim çfarë të bënim, u dashuruam. Këtu gjendet edhe
kuptimi i jetës së atyre që lindën nën diktaturë çfarë në thelb është tragjedi.
Për shkak të mungesës së lirisë mund të kesh qenë pjesë e një shoqërie a
grupimi, a sistemi, por kjo nuk do të thotë se pas tejkalimit të gjendjes së
privimeve të vazhdosh të jesh rob i saj. Por ka që vazhdojnë të jenë e akuzojnë
të tjerët se pse flet kundër komunizmit se ti ke qenë i privilegjuar, pra sipas
tyre i privilegjuar se të ka lënë të punosh në një zyrë e nuk të ka vrarë. Me
duket se sistemi diktatorial është shëmbur si mekanizem e strukturë, por
mentaliteti ende ka mbetur e do shumë e shumë vite që njeriu të shpëtojë prej
tij.
Në foto: Monsinjor
Ernest Çoba në një procesion fetar në qytetin e Shkodrës, Domenika Skanjeti Vila ekzekutura në Pejë nga komunistat serbë, si dhe Nikoll Gojçi, nga Hoti,
komandant i batalionit të 3 të Brig. së Parë të cilin krimineli Mehmet Shehu e
vrau pas shpine.
Kur ti kesh pranë familjes a fisit viktima të
tilla të krimeve të përbindëshme të komunistëve si mund të kihet nostalgji për
kohën e mallëkuar të Moskurrit?
E shoqëroj shënimin me një foto timen të asaj periudhe me diçiturën:
E shoqëroj shënimin me një foto timen të asaj periudhe me diçiturën:
"Ajo ishte rinia ime, por jo koha ime".
 |
| Kolec Palok Traboini / Gojçi - Hot |
