SOVRANITETI
I BRETKOSAVE
Kush e
kërkon të drejtën në skëterrë do ta gjej veten në mes të flakëve.
Nga KOLEC
TRABOINI
Dolën dy bretkosat e politikës dhe kënduan
në mes të moçalit tonë të qelbur të Media Televizioneve. Njeri bretk trumbetoi
se e fitoi betejën, betejën e tij të madhe legjendare, tjetri bretk ja pasoi se
po bëjmë revolucionin historik. Tani lumturia e begatia në moçalishte është e
pa skaj.
Të bëhet koka llallë, veçmas kur flet krye
bretku. Po mirë more, e miratojmë këtë kushtetutë, do zgjedhim gjyqtar të rinj,
do ta ruajmë at mut sovraniteti që hajdutët bëjnë për tu mbrojtur nga hajdutet,
po prapë në krye do ti kemi këta delenxhinjtë e betejave të mëdha dhe e
revolucioneve historike me pullë të kuqe? Po kush na garanton se ajo reforma në
drejtësi, ajo beteje e fituar nga ju o llapa-llap televizionesh, ai revolucion
historik i kryer nga ju nëpër letra, a ka pra mundësi të jetë një fitore duke
pasur edhe më tej në krye një bande horrash siç jeni ju. Po jo more të paudhë,
gjë prej gjëje nuk ka për të ndodhur sepse ende pa e miratuar ajo copë letër që
quhet Kushtetute, nisi demagogjia e gënjeshtra, mashtrimi, dëliri, dëshira e
çmendur për ta poshtëruar kundërshtarin dhe mburrur veten si te ishit ju
shpëtimtarët e kombit.
Këto betejat e tyre të mëdha e
donkishoteske, po fusin në harrim e lënë nën hije edhe ato 24 betejat që ka
bërë Gjergj Kastrioti e për të cilat flet historia e botës. Kaq të mëdhenj janë
këta sharlatanët tanë të politikës pordhë me rigon.
Prisni se nuk keni
para akoma. Keni për të parë atë që s'ka për të ngjarë kurrë - triumfin e
drejtësisë në ferrin e djajve të politikës. Dihet që këtu e dymijë vjet: Kush e
kërkon të drejtën në skëterrë do ta gjej veten në mes të flakëve.
Se shihni çfarë ndodh; ne kërkojmë reforme
drejtësia nga këta, mirëpo pa kaluar një orë që trumbetuan fitoren me lajmin e
mirë, u prishën prapë me njëri tjetrin batakçinjtë e politikës e na e kthyen në
lajm të zi. Nga frika sigurisht. Se kanë vjedhur aq shumë sa tashmë u është çarë
thesi e po ua sheh bota zullumin e tyre çerekshekullor.
E moj Shqipëri e gjora, paske qenë shpella e thesarit të i Ali Babës
dhe 40 hajdutëve. Për këtë e duan sovranitetin këta, që të vazhdojnë të vjedhin
e rrjepin edhe me tej këtë popull pa u hyrë ferra në këmbë.
© Kolec P. Traboini 2016
