Mbi 13 mijë shqiptarë të konvertuar në të krishterë/ Census Global

MBI 13 MIJË SHQIPTARË TË KONVERTUAR NË TË KRISHTERË 

Sipas studimit “Besimtarët në Krisht me të kaluar myslimane: Një Census global”, me autorë Duane Alexander Miller nga Universiteti “St. Mary’s” në San Antonio, Texas dhe Patrick Johnstone, nga WEC International Singapore, lidhur me besimin në Shqipëri.

Ndërsa në Kosovë shënohen 2000 persona të konvertuar në të krishterë.

Vendin e parë për konvertim e mban Bullgaria me 45 mijë besimtarë, vendin e dytë Mbretëria e Bashkuar me 25 mijë, Gjermania është e treta me 15 mijë dhe Shqipëria e katërta me 13 mijë besimtarë.

Që nga vitet 1960, në Shqipëri ka pasur një rritje domethënëse në numrin e konvertimeve nga feja islame në atë të krishtere. Pjesa më e madhe e këtyre konvertimeve ka qenë në formën e kristianizmit evangjelist apo pentekostal, por ka pasur edhe konvertime në katolik apo ortodoks.

Kështu thuhet në një Studim me titull “Besimtarët në Krisht me të kaluar myslimane: Një Census global”, me autorë Duane Alexander Miller, nga Universiteti “St. Mary’s” në San Antonio, Texas dhe Patrick Johnstone, nga WEC International Singapore,  cituar nga albinfo, lidhu me besimin në Shqipëri.

Sipas tyre Shqipëria është në vendin e parë në Evropë, mes besimtarëve të krishterë, të cilët janë konvertuar si të tillë pasi më parë kanë qenë myslimanë. Ndërkohë disa të konvertuar të tjerë, deklarojnë se vazhdojnë që të mbeten, në një farë mënyre, edhe myslimanë edhe ndjekës të Jezusit, citon Bota.al.

Studimi i gjatë, shpjegon në hollësi se si dy autorët kanë siguruar vlerësimet dhe shifrat e të konvertuarve, kompleksiteti i kësaj pune, si dhe një listë të shteteve, të ndarë sipas kontinenteve, me numrin e besimtarëve në Krisht, të cilët kanë një të kaluar myslimane. Studimi përfshin edhe grafikë me vlerësime maksimale, minimale dhe mesatare të kësaj popullsie, që nga viti 1960 e deri më sot.

Kërkimet për studimin, sipas autorëve, kanë nisur që në vitin 1960, kur Patrick Johnstone nisi që të mbledhë informacione mbi përmasën dhe natyrën e komuniteteve kristiane në vende të ndryshme të botës. Kjo rezultoi në gjashtë botime të librit “Operacioni Botë”, autor i të cilit është Johnstone.

Qëllimi i këtij libri ka qenë të ofrojë një profil të secilit vend në botë, duke përfshirë edhe informacione për ndarjen etnike dhe fetare.

Sipas studimit, Shqipëria është mes 4 vendeve të para në Evropë, për numrin e të krishterëve me të kaluar myslimane.

Autorët vlerësojnë se janë 13 mijë shqiptarë të konvertuar në besimtarë të Krishtit. Vendin e parë e mban Bullgaria me 45 mijë besimtarë, vendin e dytë Mbretëria e Bashkuar me 25 mijë besimtarë, ndërkohë që pas saj renditet Gjermania me 15 mijë besimtarë.

Sa i përket Kosovës, sipas studimit, besimtarët e konvertuar në kristianizëm, me një të kaluar myslimane, kanë qenë 2000.

Sipas ATA 
July 14, 2016